Xa temos Internet via wifi en Teixiera

Xa dispomos de internet no noso pobo. Temos 150mb ata sarria e dende ali a internet 10 mb. E dicir unha conexion "da ostia". Mais informacion , preguntando á Xunta directiva. en Asoc Valongo ou en http://www.guifi.net

Curso de Cesteria 18-19 setembro

A Asociación Xuvenil Buracada das Grellas , ben de organizar un curso gratuito de inicio á Cesteiria tradiccional galega, en Teixeira do Caurel, os dias 18 e 19 . No evento participaron unhas 20 persoas, nas que se encontraban veciños de Teixeira, doutras Aldeas do Caurel , así como doutras comarcas galegas.
Contouse coa axuda de dúas profesoras e coa Colaboración do Centro de Artesania e Deseño de Lugo .
Estas xornadas contaron cun gran interese por parte dos asistentes e todos coincidiamos na necesidade de máis eventos para mellorar as poucas actividades en toda a zona da montaña dende sempre.
Dende a Asociación vein moi necesaria a realización de actividades no rural , e queren agradecerlle a Diputación de Lugo a súa colaboración , asi como instar a esta e as demáis administracións a traballar máis e contar coa nosa axuda na mellora do rural , mellorando asi a calidade de vida dos seus moradores.

Desta noticia fixose eco A voz de Galicia , podedes ver a noticia dende o seguinte enlace:


http://www.lavozdegalicia.es/lemos/2010/09/22/0003_8739790.htm?utm_source=buscavoz&utm_medium=buscavoz&idioma=galego

Noticia collida de: http://www.galiciadigital.com/opinion/opinion.2934.php

Co nome !!Outro Xeito de festa!! ,titula este xornal este artigo:

Teixeira, no Caurel. Seis, agosto, 2008. Festa do ”Bo Xesús”. Patrón.avogoso contra o trono nunha aldea de 15 veciños que comparten vida/traballos ao redor dunha capela rehabilitada. Foron ramistas rapazas e rapaces unidos nunha asociación. Case todos viven e traballan fóra. Á hora de organizar as festas deste ano tiveron en conta o parecer/gusto dos pais, avós, e nenos. Algo do que se esquecen os ramistas das parroquias que se cren máis ricas.

Comezaron o ante día cunha queimada amenizada por un dúo musical na que participaron todas as persoas da aldea. Para o día grande convidaron ao grupo Buxaina (Terras de Ulloa). Un animado conxunto de gaiteiros e cantareiros/as que se prestaron a visitar todas as casas (agás as de loito) tocando a alborada e avisando da misa na que tamén participaron. De seguido, vermú orixinal no centro da aldea con cancións e bailes coa participaron de todos e todas... Ao vello xeito, os músicos foron convidados a compartir comida nas casas dos veciños. Polo serán, houbo unha animada sesión de xogos para nenos (carreiras de sacos) e maiores (a billarda) e concurso de bailes (xotas, muiñeiras e pasodobres) cunha sorprendente participación dos veciños e festeiros. Pola noite, tamén actuou un sinxela orquestra.

Curso de Gaita Galega

Hola de Novo a todos!!!!!!

Comezou en Teixeira un Curso de iniciación a Gaita Galega, organizado pola nosa asociación coa colaboración de Xose Luis Foxo.
As clases serán os domingos as 4:30 na antiga escola do pobo. Todos os que estedes interesados non tedes máis que enviarnos un correo a buracadasgrellas@gmail.com.
As clases comezaron o día 25 pero podedes incorporarvos cando queirades.

Arranxo da fonte do pobo de Teixeira.

Aqui vos poño unhas fotiños (feitas por Oscar) da fonte do pobo de Teixeira, e que tal e como podedes ver atopase bastante estropeada. Un dos nosos obxectivos era arranxala e isto vai ser posible gracias a financiación da Consellería de Medio Rural.

Grandes Festas en Teixeira

Uf...! xa fai máis de dous meses que non poño ningunha entrada, pero aqui estou de novo para falarvos da principal actividade que organizamos este verán, As festas de Teixeira do Caurel.
A Festa patronal de Teixeira celebrase o día 6 de agosto en honra o Bon Xesús, e o día 5 é a tradicional queimada.
A celebración deste tivo o seguinte programa festeiro:
DÍA 5:
-11:00. Queimada popular amenizada polo dúo Meritxel, acompañada de pancetada e empanada.
Día 6:
-12:00. Alborada tradicional por todas as casas do pobo.
-13:30. Misa solemne e procesión.
-14:00. Sesión vermut amenizada por un grupo de gaitas.
-18:00. Xogos tradicionais, este ano tivemos concurso de baile, concurso de billarda, e diversos xogos para nenos e maiores (tiro da corda, carreiras de sacos e de ovo e culler, busqueda do tesouro...), todo isto coa participación dun grupo de gaitas.
-21:00. Festa popular amenizada pola orquestra Estrela e entrega de premios.
-23:00. Pausa para cear
-1:00. Verbena amenizada pola orquestra Estrela.

Como vedes un programa festeiro para todas as idades.
Compre dicir que saiu todo moi ben, foi un total e rotundo éxito, tanto no número de asistentes coma na participación destes nos diversos xogos e concursos. Temos que destacar sobre todo o concurso de billarda no que participaron a practica totalidade dos asistentes.
Dende esta asociación gustaríanos dar as gracias a todos os que vos achegastes a compartir este día con nosco e fixestes realidade esta festa. Tamen dar as gracias a todos os patrocinadores e ós veciños por colaborar con nosco.
En posteriores poñerei fotos e seguramente algún video desta celebración.

PAISAXE RURAL E IDENTIDADE CULTURAL

Hola a todos, xa fai bastante que non escribo nada no blog, pero escribo hoxe para comentarvos a existenza dun curso en monforte, titulado "PAISAXE RURAL E IDENTIDADE CULTURAL". Ten moi boa pinta, trata temas moi diversos dende literatura, antropoloxía, xeografía, medio ambiente.... bueno a verdade é que parece moi completo.